Εις την ελπίδα της σωτηρίας των πιστών

 

Ελπίς του κόσμου αγαθή,Παρθένε Θεονύμφευτε,

την σην και μόνην κραταιάν αντίληψην αιτούμεθα,

σπλαχνίσθητι τους δούλους σου,δυσώπησον δε τον Θεόν,

έκ πάσης,Κόρη,απειλής ρύσασθαι τας ψυχάς ημών.

Πολλά τα πλήθη των εμών πταισμάτων,Αειπάρθενε.

Προς Σε κατέφυγον,αγνή, της χάριτος δεόμενος,

επίσκεψαι,πανάχραντε,την ασθενούσαν μου ψυχήν

και αίτησαι τον Υιόν δοθήναι μοι την άφεσιν.

Δόλω απαύστως ο εχθρός θηρεύει με ο πονηρός,

ενέδρας με της έξ αυτού,Παρθένε,με εξάρπασον

και του Δεσπότου με τηρείν τον νόμον καταξίωσον

και πράττειν το πανάγιον θέλημ'αυτού ευόδωσον.

Αγιωτέρα Χερουβίμ φανείσα,Μητροπάρθενε,

ως σχούσαν έν νηδύΐ σου Θεόν τον Υπεράγιον,

πάντας ημάς αγίασον τους πίστει ανυμνούντάς Σε

και έν ημέρα και νυκτί ,Παρθένε,αγιάζοντας.

Συντήρησόν μου,δέομαι,Παρθένε,την διάνοιαν,

έν ταπεινώσει,άχραντε Κόρη Θεοχαρίτωτε,

τω Τόκω η συντρίψαα έπαρσιν του αλάστορος,

και ύψωσόν με προς Θεόν και δίδου μοι την χάριν σου.

Του αρχαγγέλου την φωνήν,Παρθένε,Σοι προσάγομεν

Χαίρε,η τον αχώρητον έν τη γαστρί χωρήσασα

Χαίρε,η ευλογημένη Σύ,παράδεισον ανοίξασα

Χαίρε,η λύσις της αράς έξ ής ημείς ερρύσθημεν.

                                                           ( Αγίου Νεκταρίου,Θεοτοκάριον,σελ.225-226)

                                        ΧΡΟΝΙΑ  ΠΟΛΛΑ